Breyttur lífsstíll - betra líf!

Endurskoðun markmiða

2006-11-19T10:21:00.000+01:00

Notaði haustfríið mitt í að endurskoða markmiðin mín varðandi átakið og komst eiginlega að því að ég var ekki lengur að gera þetta fyrir sjálfa mig heldur meira til að verða á undan einhverjum öðrum eða verða mjórri en einhver. Að sjálfsögðu gengur þetta ekkert upp til lengri tíma þannig og því setti ég mér ný markmið og þar að auki fékk ég kallinn til að setja sér samstæð markmið.

Í tengslum við þessa nýju markmiðasetningu hef ég ákveðið að notast ekki lengur við þessa vefsíðu heldur ætla ég að treysta meira á stuðning vina minna og fjölskyldu. Ég mun að sjálfsögðu einnig notast við DDV-spjallið... það er snilld :) En ég vil þakka öllum þeim fjölmörgu stuðninginn sem kommentuðu hérna inni og hvöttu mig áfram. Þið eruð algjör yndi! Gangi ykkur rosalega vel í öllum sem þið takið ykkur fyrir hendur.

Er ekki hætt!

2006-11-10T16:45:00.000+01:00

Tók mér bara smá haustfrí... var alveg að springa á limminu og ákvað bara að taka mér 2 vikna frí og koma svo aftur með trukki. Haustfríið stendur fram á næsta þriðjudagskvöld en þá fara tengdó aftur til Íslands. Skrifa meira þegar fríið er búið.

Vigtun

2006-11-01T13:11:00.000+01:00

Jæja þá er kominn enn einn vigtunardagurinn og þrátt fyrir ítrekað svindl í vikunni kom vigtin mér skemmtilega á óvart og sýndi létting :) 900 gr fóru þessa vikuna sem ég gæti bara ekki verið sáttari við.

Mér hefur gengið eitthvað voðalega illa að halda mér í gírnum þessa dagana, reyndar ekki á daginn heldur á kvöldin. Mér tekst yfirleitt að halda mér 100% alveg þangað til ég er búin með allan matinn minn.... þá fara nammipúkarnir að taka völdin og það er ekki að hjálpa til að eiga slatta af íslensku nammi uppí skáp sem tengdó kom með með sér. En freistingarnar munu alltaf vera til staðar... þetta er bara spurningin um að standast þær. Koma svo!! Ég get þetta alveg... bara gleymi því stundum ;) Á 25 ára afmæli eftir rétt rúman mánuð og ÆTLA að vera komin með 25 kíló fyrir þann dag! ÆTLA-ÆTLA-ÆTLA!

Afleiðingarnar....

2006-10-24T19:21:00.001+02:00

...af svindlinu voru ekki skemmtilegar. Aldrei má maður nú leyfa sér neitt. Plús 1,2 kíló takk!! Skrifa það hér og pæli svo ekki í því meir! Amk plús að hafa ekki farið aftur upp í póstnúmerin ;) Næsta vika verður vonandi betri. Annars er markmiðið fyrir þessa viku bara að standa í stað þar sem tengdó er að koma í heimsókn og þau verða í nokkra daga. En ég ætla að standa mig! Vona að ykkur gangi betur :)

Svindl, svindl og svínarí!

2006-10-22T11:15:00.000+02:00

Já ég var sko ekki nógu dugleg í gærkvöldi, sósa, brúnaðar kartöflur, ekki nægt grænmeti, ostakaka (að vísu nokkuð healthy svona skyr-ostakaka en samt), ávaxtabjór og örlítið snakk. Allt þetta fór ofan í mig í gærkvöldi. Þetta var ekki fyrirfram ákveðið svindl og ég get bara sjálfri mér um kennt og geri það líka. Svekkjandi af því að ég steig á vigtina, bara svona að gamni, í gærmorgun og hún var sko á góðri leið niður. Ótrúlegt hvað maður getur eyðilagt fyrir sjálfum sér með græðginni. The upside er amk það að það var rosa gaman :) The downside verður vigtin á þriðjudaginn :(

Mætt aftur!

2006-10-17T19:18:00.000+02:00

Jæja þá er maður loksins kominn aftur með netið. Var að verða vitlaus á að vera netlaus... ótrúlegt hvað maður er háður þessu. Anyways þá hefur nú bara gengið alveg ágætlega hjá mér þrátt fyrir flutninga og svona... allt niður á við :D Er eitthvað voðalega andlaus núna þannig að ég skrifa bara seinna eitthvað meir. Gangi ykkur vel :)

ps. setti inn nýjar tölur og svo þarf ég nú að fara að taka nýjar myndir líka, er það ekki?

Vigtun.... vúhúú!!!

2006-09-26T20:00:00.000+02:00

Vigtun í morgun og hvað gerði mín.... fór niður í TVEGGJA STAFA TÖLU TAKK!!! Að vísu rétt svo, en það er samt tveggja stafa tala :D Þar fyrir utan náði ég þar með að brjóta 20 kílóa múrinn :D :D

Gæti ekki verið sáttari við sjálfa mig og þetta heldur manni svo sannarlega við efnið :) Að vísu erum við að flytja um næstu helgi þannig að það gæti orðið dálítið erfitt að halda sér 100% en ég mun reyna mitt besta.... god knows að ég vil ekki fara aftur upp í póstnúmerin!

ps. vegna flutninganna mun ég líklegast ekkert getað skrifað hérna inn fyrr en eftir rúma viku eða svo :( ...þið bara vitið af því og haldið ekkert að ég sé að gefast upp eða neitt ;)

Loksins bloggrúntur

2006-09-24T18:43:00.000+02:00

Gaf mér loksins tíma í að taka bloggrúnt og jafnvel þó sumir séu horfnir á braut og aðrir ekki alveg kannski á beinu brautinni þá er samt mjög gleðilegt að sjá hversu margir hafa staðið sig frabærlega í sumar og líka að flestir eru enn á beinu brautinni. Þið eruð hetjur og standið ykkur frábærlega vel :) Við getum þetta öll... og ætlum okkur að gera það :D

Hvað mín mál varðar þá var pizzapartý og svona um helgina en ég stóð mig eins og hetja og borðaði allt 100% DDV :) Verð að segja það að ég er nú bara ágætlega stolt af sjálfri mér þessa dagana :)

Vigtunardagur

2006-09-19T20:33:00.000+02:00

Stóð mig vel í vikunni og það sýndi sig í morgun á vigtinni :) Niður um 1,3 kg takk fyrir.... og áfram svo... alveg að koma að 20 kílóum og tveggjastafa tölu :D

Dugleg stelpa :)

2006-09-16T10:44:00.000+02:00

Var rosalega dugleg stelpa í gærkvöldi. Grilluðum með vinafólki okkar heima hjá þeim. Ég stóð fast á mínu og hélt mér alveg 100% DDV þrátt fyrir að það væru alls kyns girnilegheit á boðstólnum og bjór fyrir þá sem vildu. Dugleg :) Er að fara aftur í svona í kvöld með öðru vinafólki (nóg að gera hjá manni) og ætla að standa mig aftur 100% hvað matinn varðar.... er ennþá að ákveða mig gagnvart drykkjarvörunni. Kemur í ljós.... en maturinn verður 100%... ekki spurning! Vona að ykkur gangi vel. Hef verið svo upptekin sl. vikur að ég hef ekki mátt vera að því að taka bloggrúnt. Er að reyna að standa mig í því líka :) Good luck everybody!

:(

2006-09-14T19:58:00.000+02:00

Fúl út í sjálfa mig fyrir að leyfa mér allt sem ég leyfði mér um helgina og fékk að finna fyrir því á þriðjudaginn.... 900 gr í plús takk! Ekki sátt og er búin að taka þá ákvörðun að nú er þetta jójó-stand barasta alveg búið... greyið fiskurinn minn hérna fyrir ofan er bara orðinn sjóveikur. Það eru að vísu fullt af alls konar matarboðum og svoleiðis framundan en ég er búin að tilkynna liðinu að ég þurfi að fá vigt lánaða í þeim og ætli að standa mig! Auk þess verður ekkert áfengi fyrr en í desember. Harkan sex komin í gang og hana nú!!

ps. nenni ekki að mæla núna... geri það næst :)

Vigtun :)

2006-09-05T18:59:00.000+02:00

Vuhuu!! Komin aftur i girinn og vigtin syndi tad i morgun... 1,7 kg farin fra tvi i sidustu viku :D Gæti ekki verid sattari og hlakka til ad komast i tveggjastafa tolu sem verdur vonandi mjog fljotlega :) Hefur gengid bara mjog vel en haldidi ad tad se ekki enn eitt matarbodid a laugardaginn... en svoleidis er bara lifid og tad tok mig orugglega lengri tima ad koma tessum 18 kiloum a mig sem eg er buin ad losna vid heldur en tad hefur tekid mig ad losna vid tau :) Er bjartsyn tessa dagana og brosi hringinn :)

Jeijj :)

2006-09-03T12:41:00.000+02:00

Setti inn nyjar myndir :) Er ad vinna i tvi ad koma mer almennilega i gang... gengur ansi vel bara :) 100% vika so far og hlakka bara til vigtunarinnar a tridjudaginn.

Syndajatning

2006-08-29T21:47:00.000+02:00

Ja eg er ekki buin ad standa mig tessar sidustu tvær vikur :( Var med gesti i heimsokn og tad einhvern veginn for alveg med mig.... ekki tad ad eg se eitthvad ad kenna gestunum um heldur tok eg ad sjalfsogdu tessa akvordun sjalf. En batnandi monnum er vist best a lifa og eg er byrjud aftur a fullu. Tessar tvær vikur kostudu mig 1,1 kg i plus (fiskurinn minn bakkadi enn einu sinni *snokt-snokt*) sem er natturulega oasættanlegt og tad verdur sko ekkert svoleidis i næstu viku.... eg lofa!! Skrifa meira fljotlega :)

ps. eins og eg skrifadi i sidustu færslu ta crashadi tolvan min endanlega og er tad astæda tess ad her vantar islenska stafi... er sko med tolvu i lani fra norskum vinum.

Sorri

2006-08-28T20:42:00.000+02:00

Tolvan crashadi.... og min for i atstud :( ...blogga meira a morgun :)

Vigtun - svindl & svínarí!

2006-08-15T11:36:00.000+02:00

Vigtin haggaðist ekki í morgun.... ekki eitt lítið gramm farið! Bara nákvæmlega sama tala og síðast þrátt fyrir að ég hafi átt alveg 100% viku :( Reyndar hef ég tvöfalda útskýringu á þessu; annars vegar það að ég missti næstum því 4 kg síðast og átti því reyndar ekkert von á neinu miklu núna og hins vegar það að ég borðaði kvöldmatinn seint í gærkvöldi, kvöldmatur sem samanstóð af hakki og alveg heilum helling af þungu grænmeti, og hann hefur ekki enn "skilað" sér ;) Ég hef því engar svakalegar áhyggjur af þessari vigtun :)

Reyndar grunaði mig þetta því ég var einmitt að segja við manninn minn í gær að mér finndist ég eitthvað svo þung á mér og eitthvað þrútin. Þetta er svona... maður er farinn að hlusta betur á líkamann og þá veit maður hver staðan er ;) Næsta vigtun verður alveg örugglega ekki svo glæsileg heldur þar sem ég á von á því að ég sé að fara í matarboð um næstu helgi þar sem verður slatti af áfengi í boði.... en það kemur í ljós :) Annars vona ég að ykkur gangi nú vel og séuð að fá meira út úr vigtinni heldur en ég :)

Erfitt kvöld!!

2006-08-13T12:26:00.000+02:00

Váááááá hvað kvöldið í gær var erfitt! Fórum í gær til Sverige að versla og meðal þess sem þeir feðgar keyptu sér var sitthvor 1,5 kg pokinn af blandi í poka! Strákurinn hans Júlla er hjá okkur þessa dagana og þar sem að hann er í fríi fékk hann að kaupa fullt af nammi (sem á sko að endast honum út dvölina) og pabbinn nýtti sér sko tækifærið og keypti sér líka.

Svo í gærkvöldi sátum við hér og horfðum á sjónvarpið eftir að hafa verið úti að grilla og svona. Þeir sátu sitthvoru megin við mit með sitthvorn risastóra nammipokann og lyktin var að gera útaf við mig! Ég var alveg að fara að fá mér! Ákvað þá að kíkja á netið og kíkja á fyrir og eftir myndirnar mínar og eftir það tímdi ég ekki að fá mér nammi (mæli með þessari aðferð við nammilöngun).... ég SKAL aldrei verða svona aftur eins og ég er á fyrstu myndinni. Að sökkva sér í nammiát yrði væntanlega bara fyrsta skrefið í áttina að því. Ég stóð mig því í gærkvöldi og fékk mér ekkert nammi og er ótrúlega stolt af sjálfri mér..... en man, o man var það erfitt!!

Vúhúú!!

2006-08-08T17:25:00.000+02:00

Mín er komin aftur með krafti!! -3,7 kg sagði vigtin í morgun... hvorki meira né minna :) Átti nú svosem von á ágætis létting þar sem ég var nú tiltölulega nýkomin úr flugi og svona í síðustu vigtun. En þetta kom skemmtilega á óvart og kom Pollýönnunni vel af stað ;) Bara 2,4 kg í tveggja-stafa-tölu og bara 400 gr í að ég eigi bara tuttugu-og-eitthvað kíló eftir! Jibbý!

Jákvæðnin í fyrirrúmi þessa dagana og jafnvel þó ég sé að fara vera með gesti næstu tvær vikurnar ætla ég að reyna mitt allra, allra besta til að léttast á meðan á því stendur. Hef það nú samt að markmiði eins og einhver sagði hérna í commentunum að þyngjast ekki heldur annað hvort standa í stað eða léttast örlítið :)

Vona að það gangi vel hjá ykkur og að sumarið sé nú ekki að fara alltof illa með ykkur. Heyrumst!

Fyrsta vigtun eftir sumarfrí

2006-08-01T13:06:00.000+02:00

Jæja þá er komið í ljós hvað fríið gerði manni. Já þegar maður étur eins og svína í 5 og hálfa viku er ekki nema von að maður þyngist. Ég reiknaði með að þyngjast um svona cirka 4-5 kíló í fríinu þar sem ég veit að ég þyngist rosalega ört. Vigtin í morgun sýndi 106 kg slétt sem þýðir að í fríinu bættust á 5,1 kg. Ég ætla aftur á móti ekkert að pæla í því heldur er þetta bara sú tala sem ég er í núna og nú er bara að halda áfram niður úr þessari tölu... ekki málið ;) Bjartsýnin umfram allt.

Annars verða örugglega dálítið erfiðir tímar framundan, matarlega séð, þar sem við erum að fá tvær heimsóknir sem hvor um sig stendur í rúma viku. En maður reynir sitt besta, betur getur maður ekki gert :) Ég vona að ykkur gangi vel, ég ætla að reyna að taka blogghring annað hvort í dag eða á morgun og svo er nú farið að þynnast all verulega í hópnum hér til hliðar þannig að ég þarf að fara að finna fleiri til að bæta inná. Ef þú ert ekki inná listanum hér til hliðar en langar að vera það þá bara endilega láttu mig vita í comments :) Bless í bili.

Komin úr sumarfríi

2006-07-31T16:15:00.000+02:00

Jæja þetta verður bara stutt í þetta skiptið. Maður er loksins kominn úr sumarfríi - útskrifaður viðskiptafræðingur og gift kona þar að auki ;) - og það var byrjað aftur á DDV í morgun. Ótrúlega góð tilfinning að vera ekki að setja einhverja óhollustu ofan í sig lengur... komið nóg af því í bili enda sýnir vigtin það. Fyrsta official vigtun í fyrramálið en vigtaði mig í gær og það lítur út fyrir að það sem ég leyfði mér í fríinu hafi sest beint á mig... lítur út fyrir að ég hafi þyngst um ca. 7-8 kíló!! geri aðrir betur á 5 og hálfri viku. En allavega þá er gott að vera byrjuð aftur og ég læt heyra betur í mér á morgun :)

ps. takk æðislega fyrir allar kveðjurnar :)

Síðasta vigtun fyrir sumarfrí!

2006-06-20T10:44:00.000+02:00

Góðan daginn, góðan daginn. Já enn á ný er kominn vigtunardagur og það er nú ekki leiðinlegt skal ég segja ykkur. Er búin að vera að standa mig vel sl. vikur og já, mánuði og þá er ekkert leiðinlegt að fara á vigtina. Svo er þetta líka síðasti vigtunardagurinn fyrir sumarfrí. Er að fara til Íslands í fyrramálið og þá kemur vigtin mín ekkert með sem þýðir að nú er komið sumarfrí. En bara hvað vigtunina varðar... ekkert í mataræðinu sko. Er búin að setja mér upp gróft plan hvað varðar sumarfríið. Eins og þið flest vitið þá er ég nú á leiðinni til Íslands aðallega útaf tvennu; annars vegar er ég að útskrifast úr Háskóla Íslands á næstkomandi laugardag sem viðskiptafræðingur og hins vegar ætlum við skötuhjúin að gifta okkur 8. júlí nk. Það er því mikil spenna í loftinu og rosa gaman hjá minni framundan.

En grófa planið fyrir fríið er semsagt þetta: 100% DDV frá 21. júní - 30. júní. 1. júlí verð ég svo líklega gæsuð og þá ætla ég að leyfa mér það sem ég vil (c´mon þetta er svona once in a lifetime thing!). Frá 2. júlí og fram að brúðkaupi stefni ég á 95% DDV (þarf örugglega að smakka hitt og þetta fyrir brúðkaupið þannig að það er ekki alveg hægt að stefna á 100%). 8. júlí er brúðkaupið og þá verður sko allt leyft. Svo förum við í útskriftar/brúðkaupsferð til Kúbu og verðum til 28. júlí og þá verður líka allt leyft. Komum heim á föstudagskvöldi. Helgin sú verður tekin í að smám saman rétta mataræðið af og svo byrja ég aftur 100% mánudaginn 31. júlí. Þetta er planið, hvernig líst ykkur á?

En frá planinu í tölur dagsins. Vigtin var bara nokkuð góð við mig í morgun og sýndi létting um 1,4 kg :) Það þýðir að jors trúlí er komin í 100,9 kg og á aðeins 1 kíló eftir í tveggja stafa tölu!!! Ég ÆTLA að ná því fyrir brúðkaupið, jafnvel þó það verði unofficial (náttúrulega ekki sama vigt). Geri mér nú samt vel grein fyrir því að líklegast fer ég aftur upp í sumarfríinu, stefni þó að því að halda því innan 4-5 kg en þegar ég fer í brúðarkjólinn minn skal ég ekki vera þriggja stafa tala... and that´s final!! Ennfremur þýðir vigtun dagsins að ég á "bara" tuttugu og eitthvað kíló eftir... vúhúú! Þegar maður byrjar í næstum 50 þá er tuttugu og eitthvað ekki neitt ;)

Jæja þetta er komið nóg í dag. Ég vona að ykkur gangi rosalega vel þrátt fyrir freistingar sumarsins. Ég á ekki von á því að skrifa oft hingað inn meðan ég er í sumarfríinu en kem fílefld inn í lok júlí! Ef það verður engin færsla komin hingað inn fyrir 1. ágúst þá megið þið vinsamlegast sparka FAST í afturendann á mér. Bið að heilsa í bili.... gleðilegt sumarfrí :)

Gleðilegan kvenréttindadag :)

2006-06-19T14:01:00.000+02:00

Myndir

2006-06-18T19:35:00.000+02:00

Jæja loksins gaf ég mér tíma til að taka júní-myndir og er ég búin að setja þær inn undir bæði "fyrir og eftir" og "andlitsmyndir". Ég stend ennþá frammi fyrir því að sjá sjálf lítinn mun á mér nema kannski rétt milli fyrstu og síðustu mynda. Ég geri mér samt grein fyrir því að það hlýtur að vera talsverður munur þegar næstum 18 kíló skilja myndirnar að. Jæja síðasta official vigtun fyrir sumarfrí er á þriðjudaginn og ég er ekki frá því að ég hlakki bara pínkulítið til. Ég er svo nálægt því að ná þessari blessuðu tveggja-stafa-tölu og ég ÆTLA að ná henni fyrir brúðkaupið 8. júlí jafnvel þó það verði svona unofficial vigtun þar sem ég kem ekki til með að hafa mína eigin vigt. Jæja ég heyri í ykkur á þriðjudaginn :)

ps. ég fór blogghring um daginn og eftir þann hring strokaði ég nokkra út úr linkunum hjá mér (tek alltaf þá út sem ekki eru í "tilkynntu" fríi og hafa ekki skrifað í mánuð eða meira). Vilji þessir aðilar komast aftur inn í linkana hjá mér þá er bara að láta vita :) Ennfremur auglýsi ég hér með eftir nýju fólki í linkana hjá mér... þetta er farið að vera ansi tómt hér til hliðar ;) Ekki vera feimin :)

Vigtun

2006-06-13T08:09:00.000+02:00

Jæja næst síðasta vigtun fyrir sumarfrí. Vigtin var nú bara ágætlega nice við mig í dag... sýndi niður um hálft kíló sem er vel ásættanlegt miðað við ofurlétting síðustu viku. Hún sýndi reyndar tvær mismunandi tölur en ég ákvað að taka þá hærri bara svona til að eiga séns á stærri létting næst ;) Mín komin í 102,3 kg og farið að styttast í tveggja stafa töluna. Stefni að því að ná henni fyrir brúðkaupið, jafnvel þó hún verði unofficial þar sem ég mun ekki hafa mína vigt með mér á Íslandi. Skellti líka mælingu inn og stefni að því að setja myndir inn í kvöld eða á morgun.

Annars er það að frétta að þessi vika er alls ekki búin að vera auðveld. Það er búið að vera brjálæðislega gott veður, alveg uppí 31 stig, og þá læðast að manni alls konar freistingar eins og ískaldur ávaxtabjór, ís í brauðformi, tonn af grillmat og annað girnó. En ég stóðst þessar freistingar með glæsibrag og get því alveg verið stolt af sjálfri mér :) Stór kostur við þetta veður er að "einkennisbúningurinn" manns er hlírabolur og stutt pils sem er ansi stór hvatning til að minnka.

Í næstu viku er það Ísland með allar sínar freistingar.... mmm íslenskur matur og nammi... en ég ætla nú að reyna að standast þær freistingar amk fram að brúðkaupinu. Eftir brúðkaup tekur svo við 3 vikna frí (brúðkaupsferð og svona) þar sem ég ætla að leyfa mér nákvæmlega það sem mig langar til! En jæja þetta er nóg í bili. Ég vona að ykkur hafi gengið vel þessa vikuna og séuð ekki að gefast neitt upp. Við getum þetta nefnilega alveg!

Jess!!!!!

2006-06-06T13:41:00.000+02:00

Það var rétt hjá ykkur!! Þetta hefur mest allt verið vökvi og eitthvað eftir ferðina þarna síðast. Steig á vigtina í morgun og hún færði mér þessar gleðifréttir.... 102,8 kg sem þýðir það að allt það sem kom síðast er farið og meira til. Kvaddi 4,7 kg núna milli vikna!! Gæti ekki verið sáttari :) Nú verður það sko líka harkan sex áfram og hver veit nema ég nái tveggja stafa tölu fyrir 8. júlí.... ég er amk farin að stefna á það aftur :)

Fann það alveg að svona sukk borgar sig ekki. Var að drepast úr hausverk alveg frammá helgi (sukkið endaði á mánudaginn síðasta) og illt í maganum þar að auki. Fékk reyndar enga sérstaka sykurþörf neitt en þurfti samt sem áður að borða meira af grænmeti en venjulega og eiginlega að vera sínartandi í eitthvað til að falla ekki útaf sporinu. En það tókst og þetta er allt komið í jafnvægi núna. Sól og hiti úti og ég er bara farin út í sólbað. Vona að ykkur hafi gengið vel þessa vikuna... finnst eins og sumir séu að gefast eitthvað upp með hækkandi sól. Það er alveg bannað! Við getum þetta sko alveg! Farin út í sólina :)

Ussussuss!! :(

2006-05-30T13:35:00.000+02:00

"Afrekaði" það í þessari viku að þyngjast alveg heil ósköp! Hélt eiginlega að það væri ekki hægt að þyngjast þetta mikið á 4 dögum en komst að því í morgun þegar ég steig á vigtina að það er sko alveg hægt ef maður bara sukkar nógu mikið. Ég var semsagt í allsherjar sukki í Kaupmannahöfn um helgina og ég get sko alveg sagt ykkur að vigtin lét mig sko finna fyrir því! Þyngdist um 3,1 kg takk fyrir pent!! Gæti eiginlega ekki verið í meiri fýlu út í sjálfa mig fyrir að hafa tekið þessa ákvörðun að borða bara hvað sem ég vildi í Dk.

En batnandi mönnum (og konum) er best að lifa þannig að nú verður bara tekin harkan sex á þetta og verið 120% DDV alveg fram að sumarfríi sem byrjar hjá mér 21. júní. Ég keypti mér nefnilega fullt af fötum í Köben og meira segja 2 sumarkjóla sem eru eiginlega of litlir sem ég ÆTLA að passa í síðar í sumar. Það verður amk smá hvatning. Jæja ég ætla að skella mér út í langan göngutúr!

Vigtun :(

2006-05-23T11:45:00.000+02:00

Já maður verður víst að taka afleiðingum þess að svindla þegjandi og hljóðlaust. Vigtin sagði 104,4 kg í dag sem þýðir upp um 600 gr. Það var Eurovisjón sem fór svona með hana. Vigtaði mig nú reyndar á sunnudagsmorguninn og þá sýndi vigtin 106,2 kg þannig að ég er bara nokkuð sátt við þessa tölu sko. Annars er önnur svindl helgi framundan þannig að ég reikna nú með að vigtin stígi aftur upp á við í næstu viku jafnvel þó vikudagarnir séu nú alltaf 100%. Er nefnilega að fara í heimsókn til vinkonu minnar í Danmörku og jafnvel þó ég ætli nú aldeilis að nýta tækifærið og kaupa mér tilbúið DDV-dót þá verður líka svindl þarna inní og það verður að hafa það. Reyndar svindlaði ég nú ekki mikið á laugardaginn. Það var kvöldmatur og uppúr sem var svindl. En ég byrjaði strax aftur á sunnudagsmorgninum að vera 100%, líka eins gott því annars hefði vigtin sýnt allt aðra og miklu verri tölu.

Ég veit ekki með ykkur en mér finnst einhvern veginn miklu erfiðara að halda mig við mataræðið yfir sumarið. Sumarið tengist einhvern veginn svo mörgum freistingum. Ég hef að vísu ekki látið eftir neinum ennþá en það verður alveg örugglega gert í sumarfríinu. Það er aðallega ís í brauðformi sem er að freista mín. Að vísu ekki þessa dagana því hér er búið að rigna endalaust! Er orðin frekar leið á því. Ég held líka einhvern veginn að það að ná ekki tveggja-stafa tölu fyrir brúðkaupið sé að hafa áhrif á mig. Heilinn hugsar bara... hmmm þú nærð þessu hvort eð er ekki fyrir brúðkaup, hvaða máli skiptir hvort þú verðir 102 eða 104 þann daginn!? En ég reyni þó alltaf að hafa Pollýönnuna í rassvasanum... held bara að buxurnar séu orðnar það víðar að hún sleppi stundum út. Reddast í Dk... þar verða keyptar minni buxur ;)

Annars vona ég að ykkur gangi vel þessa dagana, amk betur en mér.

Komin út úr skápnum ;)

2006-05-19T19:32:00.000+02:00

Ákvað í tilefni af því að ég var að klára háskólann og svona að nenna þessum feluleik ekki lengur og segja ykkur hver ég er. Glöggir aðilar taka eftir því að fyrir og eftir myndirnar eru komnar með andlit, að vísu ekki allar útaf því að tölvan mín crashaði í vor og ég þurfti að gjöra svo vel að eyða öllu út af henni, þar með myndunum af mér frá því í febrúar og mars. Þá skellti ég líka inn andlitsmyndum af mér og smá extra klausu um mig í "Um mig". Ég heiti Sandra, gaman að kynnast ykkur :)

Vigtunardagur

2006-05-16T10:00:00.000+02:00

LOKSINS!! Já, loksins fór eitthvað að gerast hérna. Heil tvö kíló kvöddu þessa vikuna og hefur ekki meira farið á einni viku síðan í viku 1. Þessi léttingur þeytti mér yfir 15 kíló múrinn og rúmlega það. Er orðin 103,8 kg sem þýðir að það eru 16,2 kg búin að kveðja að eilífu og verður fataskápurinn updeitaður smá í tilefni af þessu :)

Farin að nálgast tveggja-stafa-töluna, jafnvel þó ég eigi ekki von á að ná henni neitt alveg strax. Þannig er nefnilega mál með vexti að um næstu helgi er prófloka/Eurovisjón-djamm þar sem ég ætla að leyfa mér allt í einn dag... finnst ég eiga það skilið þar sem ég er að klára háskólann! Þekki sjálfa mig samt alveg og veit að ég mun ekki sökkva mér í sælgæti eða neitt... örugglega frekar fá mér stærri skammta af ddv-leyfilegum mat... og kannski svona smá með ;)

Helgina þar á eftir er ég að fara í helgarferð til Köben... mekka DDV ;) .... og ég veit að það verður eitthvað svindlað í þeirri ferð þó svo að ég geti ekki beðið eftir að fara í Fötex og kaupa svona tilbúin DDV-mat.... ekkert svoleiðis til hér í Noregi, því miður.

Svo ættu nú að koma nokkrar góðar vikur en svo kemur að sumarfríinu mínu... ætla að taka mér frí alveg frá 21. júní til 28. júlí en það er tíminn sem við erum á Íslandi til að gifta okkur (undirbúningur og annað stöff) og svo í brúðkaups/útskriftar-ferðinni. Í fríinu ætla ég ekki að stefna á neinn létting en það yrði frábært að geta staðið í stað.

Þannig að þið sjáið að tveggja-stafa-talan er kannski ekki alveg á næstu grösum... en hún kemur á endanum. Það var nefnilega vitað mál í byrjun að þetta myndi taka einhvern tíma. En þetta hefst allt á endanum... því ég get þetta sko alveg! Og þið líka!!

ps. nýjar myndir koma inn mjög fljótlega :)

Vigtun

2006-05-09T10:02:00.000+02:00

Vigtin sýndi 105,8 kg í morgun sem þýðir að það sem kom á síðast er farið og örlítið til. Þessi vika er búin að vera slæm Pollýönnu-lega séð en mér hefur þó tekist að halda mig svona 99% á beinu brautinni (helst verið að sleppa að vigta á vigtinni og vigtað bara með augunum... engin óhollusta samt í gangi).

Urðum fyrir stóru áfalli hér í gær þegar það var keyrt yfir kisuna okkar og það hefur þau áhrif að mig langar bara að sökkva mér í sælgæti og óhollustu... en ég ætla samt ekki að gera það því þá væri ekki nóg með að kisinn væri farinn heldur myndi ég líka þyngjast. Það eru samt sem áður allir niðurbrotnir á heimilinu, því auðvitað verður kisa sem maður er búinn að vera með í mörg ár bara partur af fjölskyldunni, og á ég alveg von á að þessi vika verði kannski ekki alveg 100% þó svo að ég viti nú að ég muni halda mig innan þeirra fæðuflokka sem leyfilegir eru innan DDV. Nóg í bili.

ps. ætla að fresta myndum og mælingum þar til í næstu viku

300 gr í vitlausa átt

2006-05-02T12:04:00.000+02:00

Já það er greinilegt að matarboðið tók sitt.... vigtin sýndi 106,7 kg í morgun sem þýða 300 gr í vitlausa átt frá síðustu official vigtun en kíló í plús frá millivigtuninni á sunnudag. En það er allt í lagi þar sem að þetta matarboð var fyrirfram ákveðið hliðarspor.... plús að það var brjálæðislega gaman :) Þetta kostar það reyndar að líklega mun ég ekki ná fyrsta stóra markmiðinu sem var að ná tveggja stafa tölu fyrir brúðkaupið mitt í byrjun júlí. En hey það er ekki bara vigtin sem skiptir máli! Og ég er sko ekkert á leiðinni að gefast upp þrátt fyrir þetta smá setback.... ég reyni þá bara að ná undir 102 kg t.d. í staðinn :)

Ritgerðaskrif ganga svona ágætlega og biðst ég enn og aftur afsökunar að vera ekki að kíkja meira á ykkur. Ég hef reyndar kíkt á nokkra en ekki gefið mér tíma í að kvitta. Vona að vigtin hafi verið góð við ykkur.... þangað til næst :)

Uppdeit kl 18: Tók blogghring og þó margir séu rosalega duglegir þá tók ég eftir því að það eru margir að gefast upp. Það er alveg bannað! Við getum þetta alveg!!!!!! C´mon verið áfram með :)

Millivigtun

2006-04-30T12:21:00.000+02:00

Venjulega er ég nú ekkert að vigta mig nema einu sinni í viku en í þetta skiptið ákvað ég að gera smá undantekningu. Vigtaði mig í morgun og sýndi vigtin 105,7 kg sem er niður um 700 gr frá því á þriðjudaginn. Allt gott við það. En þetta er þó ekki official tala heldur bara svona millivigtun. Málið er að í kvöld verður farið í matarboð og smá svona gilli og hef ég tekið þá meðvituðu ákvörðun að vera ekkert að pæla hvað fer ofan í mig (ætla að vísu að reyna að fylgjast aðeins með magninu). Er búin að vera rosalega dugleg í ritgerðaskrifum til þess að eiga það inni að fara í þessa veislu og finnst ég eiga það skilið að aðeins slappa af og njóta mín í botn. Nú hef ég tekið þessa ákvörðun og þá þýðir líka ekkert fyrir mig að væla þegar vigtin fer upp á þriðjudaginn. Mig langar líka að sjá hvaða áhrif svona fest hefur á vigtina hjá mér. Eigið góða rest af helgi og heyrumst á þriðjudaginn :)

Þriggja kílóa gróði ;)

2006-04-28T14:33:00.000+02:00

Komst að því að kjörþyngd mín (þeas sú þyngd sem ég þarf að vera í til að fá heilbrigðan BMI stuðul) er ekki 69 kg heldur 72 kg. Ha ha græddi 3 kg ;) Held ég byrji á að setja mér það sem langtímamarkmið. Þegar því verður náð er hægt að meta hvort þörf sé á að taka meira af... getur vel verið að þá ákveði maður að fara niður í 69 eða jafnvel lengra... það kemur bara í ljós. Vildi bara láta vita af þessu.

ps. það gladdi mitt litla hjarta að sjá svona mörg komment við síðustu færslu :)

Kominn tími á meiri fjölbreytni

2006-04-25T11:39:00.000+02:00

Já það hlýtur bara að vera að kominn tími á aukna fjölbreytni hjá mér því vigtin neitaði að fara niður um meira en 600 gr þrátt fyrir að öll vikan hafi verið 100%. Kannski kominn tími á það að maður fari aftur út í ost og eitthvað og breyti svona út af vananum. Ég meina, þegar ég var að klára ostaskammtinn í hverri viku var ég að léttast um 600-800 gr á viku þannig að það getur ekki skaðað mikið. Kemur í ljós í næstu viku... ætla að gera algjöra breytingu, þó að sjálfsögðu innan DDV - rammans.

Annars hangi ég nú bara heima alla daga núna að vinna í þessari ritgerð. Ekki gaman að komast ekki einu sinni neitt út eða neitt. Fyrir þá sem ekki vita þá er ég sko að renna út á tíma. Ætla að vísu að skreppa á bókasafnið á morgun og fæ þá að vera í kringum eitthvað fólk ;)

Jæja ég vona að ykkur gangi vel... hef engan veginn haft tíma til að taka blogghring en geri það þegar ég hef einhvern smá tíma.

ps. það má sko alveg kvitta fyrir sig svo manni líði ekki eins og maður sé einn í heiminum ;)

Ekki mikið um skrif

2006-04-21T15:01:00.000+02:00

Já tilkynni það hér með að vegna mikilla anna við ritgerðaskrif næstu 5 vikurnar verður ekki mikið um skrif hér... ætla nú samt alltaf að skrifa eftir vigtanir á þriðjudögum en á ekki von á að það verði meira en það. Einnig á ég ekki von á því að hafa tíma í blogghringi neitt næstu vikurnar :( en ég lofa að kíkja eins fljótt og ég get á ykkur. Takk fyrir kvittin þið fáu sem kvittið :)

Vigtun :s

2006-04-18T11:46:00.000+02:00

Já vigtin var ekkert rosalega góð við mig í morgun þrátt fyrir að ég hafi verið rosa góð við hana og borðað alla vikuna 100% DDV. 400 gr fóru frá því í síðustu viku það var nú ekki meira en það, en hey allt niður er gott! Ég vissi alveg að það myndi taka mig slatta tíma að losna við þetta allt og því bara best að vera þolinmóð.

Eina sem ég gerði öðruvísi þessa vikuna var að ég borðaði meira skyr en venjulega, ost í gærmorgun og svo tvisvar unna kjötvöru í vikunni.... fattaði ekki fyrr en eftirá að páskaskinkan telst auðvitað unnin kjötvara. Ég geri mér helst vonir um að þetta sé bara bundinn vökvi útaf henni og það fari þá bara þeim mun meira næst. Ætla því ekkert að hafa neinar áhyggjur af þessu nema þessi þróun haldi áfram í næstu viku.

Vona að vigtin hafi nú verið örlítið betri við ykkur þessa vikuna þó svo að 400 gr á viku gefi manni náttúrulega yfir 20 kíló í mínus yfir árið ;)

Myndir

2006-04-13T19:44:00.000+02:00

Jæja skellti loksins inn aprílmyndunum af mér. Ég sé engan rosalegan mun en kallinn segist sjá hann... kannski maður sé bara eitthvað lokaður fyrir þessu. Annars er bara allt fínt hjá minni. Páskarnir að ganga í garð og það verða sko engin páskaegg á þessum bæ... ónei ónei. Veit sko alveg hvar það myndi enda... það yrðu sko páskar hjá minni fram að næstu jólum! Mér finnst líka bara allt í lagi að sleppa því í þetta skiptið... er alveg viss um að það koma páskar eftir þessa ;) En eigið rosalega góða páska og passið ykkur að tapa ykkur ekki í súkkulaðiáti :)

Vigtun og mæling

2006-04-11T18:24:00.000+02:00

Jæja tíminn líður og líður og enn einu sinni er komið að vigtunar- og mælingardegi. Var bara mjög sátt við vigtina í morgun en hún sýndi -1,1 kg sem þýðir að það er alveg að virka fyrir mig að sleppa ostinum :) Þá er ég komin niður í 107,4 kg og stefni hraðbyr í tveggja stafa tölu ;) Hún skal nást fyrir júlí!!

Mælingin kom ekki eins vel út... hef grun um að ég hafi eitthvað verið að þrengja málbandið aðeins of fast að síðast. Aðeins kvöddu 3,5 cm þennan mánuðinn í heildina, að vísu fóru 4,5 af lærinu en bættust við 5 á mjaðmirnar.... eitthvað pínulítið dubious. En pæli nú ekki í því. Bara fínt að það fór eitthvað :) Það er þá kominn í heildina næstum hálfur meter af (47,5 cm) og geri aðrir betur á þremur mánuðum :D

Tölvan mín var vond við mig um helgina og crashaði sem þýddi að ég var að gjöra svo vel og eyða öllu út úr henni og setja hana upp uppá nýtt. Ekki gaman. Meðal þess sem eyddist út voru fyrir myndirnar mínar :( Þannig að nú á ég bara fyrir myndir héðan af síðunni, þeas með svörtu fyrir andlitið. En það verður bara að hafa það... verð bara að muna að vera duglegri að gera backup og minni ykkur hin á það líka hér með!

Talandi um myndir, þá ætla ég að taka apríl myndir í kvöld og skelli þeim vonandi inn á morgun. Svo ætla ég einnig að taka blogg-rúnt á morgun og sjá hvað þið hin eruð búin að vera dugleg. Þangað til þá :)

Nammi-namm

2006-04-06T13:34:00.000+02:00

Minn helsti veikleiki þegar kemur að óhollustu eru kökur og kex. Þess vegna elska ég DDV af því að þar getur maður endalaust (eða svona næstum því) búið sér til girnilegar kökur og kex. Var einmitt að ljúka við eina alveg frábæra köku rétt áðan og stend bara hreint út sagt á blístri! En mikið rosalega var hún góð.... mmmmm. Skelli henni inn í uppskriftir hjá mér ásamt mynd :)

Slef

2006-04-06T09:47:00.000+02:00

Er að baka mér köku til að borða í hádeginu og það er óhugnanlega góð lykt af henni. Ég get ekki beðið eftir að það komi hádegi!... bara 2 og hálfur tími..... *slef-slef*

Þorsti

2006-04-05T16:10:00.000+02:00

Einhverra hluta vegna er ég rosalega þyrst þessa dagana. Ég kemst orðið ekki af nema drekka amk 3 lítra af vatni á dag. Ég reyni nú samt að fara ekki mikið yfir það svo ég skoli nú ekki bara öllum vítamínum og steinefnum út úr líkamanum. Ég er búin að skoða og skoða matardagbókina sl. daga og ég finn enga ástæðu fyrir þessu.... ég er ekkert búin að vera að borða saltan eða reyktan mat eða neitt. Skrýtið. Kannski þetta sé vegna þess að það er komið vor úti og sólin skín alla daga og líkaminn heldur bara að jafnvel þó hann sé inní húsinu sé hann kominn á sólarströnd og verði þess vegna að fá nægan vökva ;) Hver veit, kannski. Eitthvað sem ykkur dettur í hug?

Vúhúú... mín leið fundin

2006-04-04T11:52:00.000+02:00

Held ég sé loksins búin að finna mína leið til að missa kíló á viku! Sleppi bara öllum osti (er hvort eð er ekki mikil ostamanneskja), borða að vísu skyr 2-3x í viku, og bætti við einni fiskmáltíð. Voilá það virkaði fyrir mig. 1,2 kg voru kvödd í þessari viku sem skellti mér niður í 108,5 sem þýðir að það eru ekki nema 39,5 kg sem eftir er að kveðja. Veit að þetta hljómar mikið fyrir flestum en þegar maður byrjaði í 51 kg þá virkar þetta ekki svo mikið :) Besta er að ef ég held svona áfram þá næ ég niður í örugga tveggja stafa tölu fyrir brúðkaupið í júlí sem er fyrsti draumurinn. Vona bara að þetta haldi svona áfram og líka að ykkur hafi gengið vel, og gangi vel :)

Smjör

2006-04-03T11:12:00.000+02:00

Merkilegt með þennan fituskammt í DDV. Oft er ég í vandræðum með að borða hann, t.d. þegar ég er búin með allan mjólkurskammtinn eða extrað og get þess vegna ekki gert mér ís eða súkkulaði. Þá hef ég verið að taka það ráð að skipta út einum ávexti fyrir brauð, rista það og skella á það smjöri. Fyrir DDV þá hafði ég ekki borðað smjör síðan 1999 og fannst það svona frekar ógeðslegt bara. Ég borða reyndar ennþá ekki smjör ef ég er með eitthvað annað álegg líka... til hvers? þá er smjörið bara eins og lím fyrir áleggið.

En ég semsagt hef verið að fá mér öðru hvoru (kannski 2-3x í mánuði) ristað brauð bara með smjöri. Jafnmerkilegt og það nú er þá held ég jafnvel að þetta geti reynst mér ansi hættulegt því í hvert sinn sem ég er búin með eina svona brauðsneið kemur einhver lítill púki og segir: "Meira... fáðu þér meira!" Málið er það að síðast þegar ég var í því að borða ristað brauð með smjöri var ég líka í alls konar annarri óhollustu og ég held að þetta kveiki dáldið upp í þeim gamla púka.

Ég hef svosem engar agalegar áhyggjur af þessu þar sem ég hef ekki verið þekkt fyrir það hingað til að láta eftir þessum ljóta, litla púka en það er svosem gott að hafa þetta á bak við eyrað og þess vegna ákvað ég að skrifa þetta hér niður.

Vigtun á morgun.... læt heyra í mér þá :)

Ekki alveg nógu dugleg við bloggið

2006-03-30T12:33:00.000+02:00

Æ, já sorrí hvað ég er ekki alveg nógu dugleg að blogga hérna inn. Málið er bara að ég er á fullu í ritgerðaskrifum þessa dagana og verð næsta 1 og hálfan mánuðinn (er að klára háskólanám). Þar fyrir utan er ég með 3 aðrar bloggsíður í gangi og svo er ég að smám saman plana brúðkaup. Þannig að þið verðið bara að fyrirgefa það að ég blogga ekki oftar hingað inn. Reyni nú samt að blogga amk 2-3x í viku. Blogghringinn hef ég því miður yfirleitt ekki tíma fyrir nema einu sinni í viku þessa dagana.

En þó ég sé busy þá þýðir það ekkert að ég sé eitthvað að gefast upp... ónei ónei! Ekki til á þessum bæ! Mataræðið hefur verið alveg 100% þó svo að hreyfingin fái pínulítið að líða fyrir það hversu upptekinn maður er. Það verður bara að hafa það. Ég reyni nú þó að taka mér litla göngutúra helst á hverjum degi eða amk annan hvorn dag. Jæja best að halda áfram við ritgerðaskrifin. Takk fyrir öll kommentin á síðustu færslu... þið eruð æðisleg... Knúz!!

Vigtun - 10 kílóa múrinn fallinn!!

2006-03-28T12:01:00.000+02:00

Jæja loksins kominn vigtunardagur á ný og ég verð nú að segja að fyrst þegar ég steig á vigtina var ég ekkert alltof sátt en hún sýndi 600 gr niður (semsagt 110,3 kg) þrátt fyrir mikinn fisk og lítinn ost þessa vikuna. Verð að segja að ég var bara hundsvekkt! Var svo eitthvað að pæla í þessu og ákvað að prufa aftur um 15 mín seinna og viti menn haldiði að vigtin hafi ekki sýnt -1,2 kg!! Vúhúú!! 109,7 kg! Það þýðir að 10 kílóa takmarkinu hefur verið náð og ég er bara í skýjunum með það :D (Nota bene ég stíg alltaf 3-4 sinnum á vigtina og fæ sömu tölu til að staðfesta hana.) Ætla að fara að finna mér hárgreiðslustofu hérna í Norge fljótlega og veita mér verðlaunin sem verða klipping og litun... eitthvað sem hárið á mér er farið að öskra eftir ;)

Hugsa að ég haldi áfram að auka við fiskinn og minnka ostinn, sérstaklega af því að nú hef ég fundið skyr hérna í Norge, og reyna að halda tölunum í svona 800-1200 gr á viku... það yrði náttúrulega æðislegt því þá næ ég tveggjastafatölu-markmiðinu mínu fyrir júlí eins og mig langar SVO að gera. Er semsagt mjög sátt :) Vona að ykkur hinum hafi gengið jafn vel :D

Vigtun á morgun

2006-03-27T15:26:00.000+02:00

Og ég verð að segja að ég hlakka bara dálítið til. Er búin að vera ansi dugleg síðustu vikuna og er alveg þokkalega stolt af sjálfri mér... bara vonandi að vigtin verði það líka. Læt vita á morgun :)

Búin að tapa klukkutíma!

2006-03-26T15:22:00.000+02:00

Já haldiði að ég hafi ekki tapað klukkutíma í dag. Klukkan semsagt breyttist í nótt í allri Evrópu og er því tveggja tíma munur á Noregi og Íslandi núna en ekki bara 1 klst. Leiðinlegast við þetta er að ég hélt að ég hefði nú bara sofið smá út í morgun (vaknaði kl 10) en nú kemur semsagt í ljós að ég svaf bara heillengi út. Þetta er miklu skárra í október þegar maður græðir einn tíma!

Öfundsýki

2006-03-24T12:42:00.000+01:00

Já get ekki að því gert en öfundsýkin er stundum að drepa mig þegar ég er að lesa t.d. inná DDV-spjallinu að einhver sé að léttast um kannski 1,6 kg "og þá eru komin 8 kg á 4 vikum". Ég geri mér fyllilega grein fyrir því að fólk léttist á misjöfnum hraða en maður getur ekki annað en orðið pínulítið öfundsjúkur þegar fólk er að léttast þetta miklu hraðar en maður sjálfur. Auðvitað samgleðst maður því en samt :s

Þegar ég kemst í þetta skap þá reyni ég að hugsa bara að það er fullt af fólki sem er á miklu hægari ferð en ég og svo fullt fullt af fólki sem er að þyngjast. Þetta er náttúrulega ferli sem tekur tíma. Jafnvel þó maður óski sér náttúrulega að það taki sem stystan tíma. Ég er búin að kveðja 9,1 kg á 10 vikum (að meðaltali 750 gr á viku ef við teljum ekki fyrstu vikuna með) og hlýt bara að eiga að vera sátt og ánægð með það jafnvel þó einhverjir séu á hraðferð. Æ bara varð að koma þessu frá mér.

Vigtunardagur

2006-03-21T11:27:00.000+01:00

Enn einu sinni komið að vigtunardegi. Ég var bara nokkuð sátt við vigtina í morgun, sérstaklega eftir "sukk" sunnudagsins, en hún sýndi 700 gr niður. Nú vantar mig bara 900 gr í 10 kílóa-múrinn og ég ætla að taka súper góða viku núna með miklu fisk og litlum osti og reyna að ná því næst. Vonandi tekst það en ef ekki þá næ ég því þar næst, það eru svosem ekki hundrað í hættunni í hvorri vikunni það gerist. Þetta er náttúrulega bara ferli sem tekur sinn tíma.

Einhvern veginn gengur mér þetta átaksferli mun betur núna heldur en svo oft áður. Ég er miklu hressari og jákvæðari og er alveg full sjálfstrausts að í þetta sinn muni þetta takast. Ekki bara vegna þess að ég er á þessu ákveðna fæði heldur af því að ég hef gert ákveðna hugarfarsbreytingu hjá mér og þetta er ekki lengur tímabundið verkefni og svo get ég farið í sukkið aftur heldur allsherjar lífsstílsbreyting. Ég þekki sjálfa mig alveg og veit alveg að ef ég fer aftur í nammið og kökurnar og ógeðið allt saman fer allt á sama veg aftur. Það var kominn tími á allsherjar breytingu and this is it! Þetta mun takast... það getur tekið einhvern tíma en það mun takast!

Smá tiltekt

2006-03-20T19:36:00.000+01:00

Gerði smá tiltekt hérna á síðunni hjá mér um leið og ég fór bloggrúntinn. Ég henti öllum út sem ekki hafa bloggað neitt í mars. Ef þú ert ein(n) af þeim en ert komin(n) aftur af stað endilega láttu mig vita og ég bæti þér aftur inní. Ég held ég hafi líka óvart eytt út einum eða tveimur sem ekki áttu að fara út þannig að endilega athugið hvort þið séuð á listanum og ef ekki látið mig þá vita :)

ps. mikið rosalega eruð þið búin að vera dugleg :D

Freistingadagur :s

2006-03-20T13:55:00.000+01:00

Í gær fórum við í heimsókn til vinafólks okkar og vorum þar allan daginn og fram á kvöld. Ég get allt eins játað það að dagurinn var ekki 100% DDV-vænn jafnvel þó hann hafi verið neitt hræðilegur. Það voru kökur og ostar og kex á boðstólnum í hádegismatnum og svo fórum við annað í mat þar sem var þessi dýrindis matur.

Ég verð nú samt að vera nokkuð stolt af sjálfri mér þó svo að ég hafi aðeins hrasað að ég fékk mér í hádegismatnum einungis hrökkbrauð með ostunum (og ég átti inni 50 gr af feitum osti) og 1 litla sneið af kökunni sem var nota bene svona heilsukaka með rosalega litlum sykri, smjöri og hveiti og svo bara ferskum ávöxtum þannig að hún var nú ekki svo slæm. Um kvöldið fékk ég mér reyndar bara venjulegan kvöldmat en svo datt ég niðrá eina sneið af kökunni í viðbót svo og tvær eplasnittur (úr smjördeigi) með smá ís. Ég afþakkaði kurteisislega sósur, rjóma og áfengi þannig að ég hlýt nú að fá plús fyrir það.

Ég hef alla veganna ákveðið að svekkja mig ekkert yfir þessu. Ef vigtin fer eitthvað í vitlausa átt á morgun þá verð ég bara að lifa við það og taka næstu viku með trompi. Það var alveg rosalega gaman í gærkvöldi og ég hefði sko ekki vilja sleppað því fyrir nokkuð!

Kallinn er nú samt hundfúll út í sjálfan sig fyrir að hrasa svona því það hafði örugglega áhrif á vigtina hjá honum í morgun. Hann hafði nú samt misst 1,4 kg þrátt fyrir að hafa fengið ansi mikið góðgæti í gærkvöldi og mér finnst hann nú bara mega vera stoltur af því. Hann ætlaði alla veganna bara að taka 1 viku en bað mig um að gera nýja matardagbók fyrir hann í morgun. Þannig að líklega ætlar hann nú að prufa eitthvað áfram ;)

Jæja þetta er orðið alltof langt nú þegar en á morgun er vigtun hjá mér og ég læt að sjálfsögðu vita um niðurstöður hennar :D

Vigtunar- og mælingadagur

2006-03-14T15:02:00.000+01:00

Já það er komið að því enn á ný :) Vigtin hefur bara verið nokkuð góð við mig uppá síðkastið og hún hélt því áfram í morgun og sýndi 111,6 kg sem þýðir að það eru 900 gr farin síðan síðast :D Á maður ekki bara að vera sáttur við það? Ég er það alla veganna... bara 1,6 kg eftir í 10 kílóa takmarkið :D

Svo mældi ég mig í bak og fyrir líka í dag og haldiði að það hafi ekki farið heilir 29 cm síðan síðast og þá eru komnir 44 cm af frá því í byrjun!! Finnst það ótrúlega gott þó ég segi sjálf frá. Svo skellti ég líka inn myndum í "Fyrir og eftir". Hef ekkert meira að segja í bili. Bæjó þangað til næst :)

Viðbót (19.40):
Tók hálfan blogghring... tek restina á morgun eða hinn.
ps. þið eruð búin að vera rosa dugleg!

Kallinn með!

2006-03-12T18:38:00.000+01:00

Haldiði ekki að allt talið um DDV hafi sannfært kallinn um að vera með :) Hann ætlar alla veganna að prufa í eina heila viku og sjá svo hvernig honum leist á. Frábært að fá svona extra stuðning heima við :)

Aaaaaa

2006-03-10T20:20:00.000+01:00

Vondur dagur i dag a thann hatt ad tad er folk buid ad vera ad smjatta a hinu og thessu godgaetinu fyrir framan mig og eg skal alveg jata ad mig langadi i..... vaaa hvad mig langadi i! En eg var dugleg og bordadi bara minn mat og get verid 100% satt vid sjalfa mig.

ps. er sko ad bida a flugvellinum i Stockholm (og er buin ad vera ad bida i 5 tima og vill svo skemmtilega til ad tad er seinkun tannig ad eg tarf ad bida i 2 i vidbot) og thess vegna eru engir islenskir stafir.

Blogghringurinn búinn

2006-03-07T16:29:00.000+01:00

Vá hvað þið eruð búin að vera dugleg! Fullt af fólki sem ég skellti niður um flokk og margir sem eru alveg að detta niður. Æðislegt hjá ykkur! Til hamingju :) Svo megið þið líka endilega láta mig vita ef þið eruð í vitlausum flokk :)

Vigtun :D

2006-03-07T12:16:00.000+01:00

Vá hvað tíminn líður hratt... mér finnst eins og það hafi verið vigtunardagur bara í fyrradag en nei, nei þá er bara komin heil vika. Annars var ég einstaklega sátt við vigtina í dag en hún sýndi í fyrsta skipti síðan fyrstu vikuna meira en kíló niður.... you´d better believe it... 1,3 í mínus takk :) Gæti ekki verið sáttari og er að vonast til að þetta verði byrjunin á röð af svona tölum.

Annars er ég svona að pæla í hinum og þessum hreyfingarkostum þessa dagana. Veit ekki alveg hvað ég á að gera þar sem að það er engin líkamsrækt í 50 km radíus. Ætli maður reyni ekki bara að vera duglegur í göngutúrunum á meðan snjórinn er og fari svo jafnvel út að skokka/hlaupa þegar snjórinn er farinn. Hvað gerið þið sem búið úti á landi þar sem ekki er líkamsræktarstöð?

Svo er ég að smám saman finna út úr matnum hérna... hvað má og hvað ekki. Er búin að finna það út að sýrður rjómi heitir nú bara einfaldlega matjógúrt og er þar að auki búin að finna mér létt-súrmjólk en er ennþá að vesenast dálítið í fitunni. En með smá samanburði og svona þá hlýtur það nú að vera fljótt að koma.

Bara svona í blálokin langar mig að þakka ykkur fyrir peppið sem því fylgir að þið fylgist með :) Knúz!

Hungur

2006-03-05T19:10:00.000+01:00

Ég bara fatta þetta ekki... ég er að deyja úr hungri! Ég er að klára skammtana mína alveg 100% og meira að segja að borða um 800-900 gr af grænmeti af dag en er samt að deyja úr hungri. Verð bara að vona að þetta sé eitthvað tímabil sem líður hjá... vonandi sem fyrst. Er einhver annar að lenda í þessu?

Góðar fréttir

2006-03-02T14:41:00.000+01:00

Fór í búð í gær í næsta bæ við hliðina á mér og jafnvel þó mér hafi nú ekki tekist að finna neinar DDV-vörur þá rak ég augun í auglýsingu frá DNV (semsagt norska DDV) um fundi sem eru þar einu sinni í viku. Nú er bara spurning þegar fjarnámið er búið að skella sér bara í DNV og á fundi hér :)

Annars er ég svona að reyna að finna út úr hinu og þessu hér. Ef einhver veit t.d. hvað sýrður rjómi er á norsku (annað en Creme Fraiche) eða skyr þá má sá hinn sami/sú sama endilega segja mér það :)

Vigtunardagur

2006-02-28T09:46:00.000+01:00

Jæja enn á ný er komið að vigtun. Í þetta skiptið var það eins og svo oft áður 800 gr. Held ég verði bara að sætta mig við að þetta gerist örlítið hægar hjá mér en að meðaltali hjá konum í DDV. Það er allt í lagi.... þetta er nú samt næstum því kíló á viku :D Komin 6,2 kg á 7 vikum sem er nú bara ansi gott finnst mér.

Hef dáldið pælt í því hver talan væri ef ég hefði ekki ákveðið að sparka í rassinn á sjálfri mér um áramótin og fara að gera eitthvað í mínum málum.... ekki ólíklegt að hún væri jafnvel komin svipaða tölu bara í hina áttina. Svo líður manni líka svo miklu betur þegar maður er að gera eitthvað í sínum málum.

Get alveg játað það að í flutningunum þá t.d. prufaði ég dáldið mikið af fötunum mínum svona í leiðinni þegar ég var að pakka þeim bara til að athuga hvort eitthvað væri orðið passlegt og eitthvað of stórt.... örfáir hlutir voru þó ennþá of litlir en þeir verða bara prófaðir seinna ;)

Annars er nú barasta fínt hérna í Norge, dáldið mikill snjór það er svona það eina. Fór í massívan göngutúr í gær.... gekk um 6-7 km. Á örugglega eftir að fara í nokkra svoleiðis næstu daga svona í tilefni af því að það eru 2-3 km í næstu verslun (búum í úthverfi) og við erum ekki enn búin að kaupa bíl.... seldum nefnilega bílinn okkar í Sverige. En það er bara betra :) Jæja þetta er orðið nógu langt í bili. Eins og þið sjáið þá er ég komin með netið alveg þannig að nú mun ekki líða svona langt á milli posta eins og síðast :)

Stress

2006-02-23T19:00:00.000+01:00

Rosalegt stress í gangi eitthvað þessa dagana hjá mér. Er búin að eyða öllum deginum í dag í að skrifa ritgerð (er vonandi búin) og þarf svo að pakka og þrífa í kvöld og á morgun því að ég er að fara að flytja á laugardaginn. Og ekkert bara á milli húsa eða hverfa eða jafnvel borga... nei nei ég er að flytja á milli landa! Er að flytja yfir til Noregs (fyrir þá sem eru ekki inní málunum þá bý ég í Svíþjóð eins og er). Verður nú samt dáldið spennandi að sjá hvort að það séu einhverjar DDV-vörur til þar, þar sem þeir eru nú miklu meira inní þessu heldur en Svíarnir. Annars kemur það bara allt í ljós. Læt líklega næst vita af mér í Norge :)

Verðlaunin komin í hús

2006-02-22T16:12:00.000+01:00

Bara að láta ykkur vita að ísvélin mín er mætt á svæðið. Fékk hana meira að segja á þessu líka fína tilboði - 299 SEK (sem eru cirka 2400 ISK). Verst að ég er búin með mjólkurskammtinn minn í dag þannig að hún verður ekki prufuð í dag.... but tomorrow beibí!

Vigtun

2006-02-21T10:45:00.000+01:00

Jæja vigtunardagur í dag og í þetta skipti var það niður um 600 gr. Verð að segja að ég er svona pínku svekkt yfir að geta ekki náð hærri tölum eins og svo margir. Var rosa kát að ná 1 kg síðast og var að vonast til að það yrði byrjunin á einhverju en nei svo varð því miður ekki. Veit samt alveg að það er náttúrulega rosalega gott að ná að léttast um 600 gr á einni viku og að góðir hlutir gerast hægt og allt það. En á þessum hraða þá næ ég ekki einu markmiði sem mig langar svo að ná í sumar, þeas að vera komin í örugga tveggja stafa tölu fyrir byrjun júlí. En góðu fréttirnar eru alla veganna þær að ég náði 5 kílóa markmiðinu mínu og ætla sko að skella mér í ElGiganten (sænska Elko) á eftir eða í fyrramálið að kaupa ísvél! Eins gott að hún verði til því ég sá að þeir voru að auglýsa brjálaða lagersölu fram að helgi. En já 1. markmiði náð! Vúhúú!

Ég elska DDV

2006-02-19T16:39:00.000+01:00

Var ég búin að segja ykkur það ;) Var að enda við að borða risastóran late lunch, ristað brauð með sultu, rófa og gulrætur í aðalrétt og bæði súkkulaðimöffins og sandköku með ískaldri mjólk í eftirrétt.... nammi, nammi, namm! Ég elska DDV.

Vigtin heillar

2006-02-18T19:42:00.000+01:00

Jafnfáranlega og það hljómar þá langar mig rosalega mikið að stíga á vigtina núna. Er að reyna að halda mig við að fara bara á vigtina á þriðjudögum en hef alltaf svindlað 1 sinni yfir vikuna í því hingað til en núna ætla ég að ná því jafnvel þó mig langi einhverra hluta vegna rosalega mikið að stíga á vigtina núna. Finnst það bara svo pirrandi ef maður sér góða tölu núna og svo er hún kannski ekki jafn góð á þriðjudaginn eða það sem er ennþá verra er ef maður sér slæma tölu núna því að þá er maður down alveg frammá þriðjudag, með hnút í maganum af hræðslu við að sjá þessa tölu aftur. Nei! - vigtin fær mig bara í heimsókn á þriðjudögum og ég ætla mér að standa við það!

Appelsínukjúklingabringur

2006-02-17T19:47:00.000+01:00

Er alltaf að reyna að gera mér einhverja jömmí uppskrift af appelsínukjúklingabringum en það tekst aldrei almennilega. Er einhver þarna úti sem á til handa mér góða svona uppskrift? helst DDV-væna :) Endilega látið mig vita :)

Var klukkuð af Maju.

2006-02-17T17:34:00.000+01:00

4 störf sem ég hef unnið um ævina:
Framköllun
Bókari
Þjónustufulltrúi
Aðstoðarverslunarstjóri

4 bíómyndir sem ég gæti horft á aftur og aftur:
Princess Bride
Shawshank Redemption
Hudson Hawk
Pretty Woman

4 staðir sem ég hef búið á:
Kópavogur
Mosfellsbær
Austurríki
Svíþjóð

4 sjónvarpsþættir sem mér líkar:
CSI
Lost
Law and Order
Invasion

4 síður sem ég skoða daglega, fyrir utan blogg:
http://www.mbl.is
http://ddv.barbietec.com
http://www.landsbankinn.is
http://www.finn.no

4 staðir sem ég hef heimsótt í fríum:
Tyrkland
Spánn
Þýskaland
Kanada

4 matarkyns sem ég held uppá:
Kjúklingabringur
Maís
Vöfflur m/ sultu
Shake

4 staðir sem ég vildi heldur vera á núna:
Noregur
Ísland
Miami
Afríka

8 bloggarar sem ég klukka og VERÐA að standa sig:
Gulla
Rakel
Skellibjalla
Krúsla
Soffía
Narnía
Begga
Pommurófa

Allsherjarklukk Súper-S

2006-02-16T19:56:00.000+01:00

Þrjár ástæður (í engri sérstakri röð) fyrir því að ég er að meika það í átaki núna þrátt fyrir að hafa reynt það mörgum sinnum áður....

1. DDV og það að mega borða það sem ég vil
2. Átakshópar, blogg og vinir sem styðja við bakið á manni alla leiðina
3. Pressa vegna uppkomandi atburða í lífi mínu (brúðkaup, o.fl.)

Ég held eiginlega að stærsta ástæðan sé stuðningurinn sem ég fékk alveg frá byrjun frá átakshópnum mínum á netinu og frá ykkur sem komið hingað inn og kommentið til að peppa mig upp... Takk fyrir það... þið eruð æðisleg!! Knúz!

100% DDV

2006-02-16T19:44:00.000+01:00

Er alveg hissa hvað mér gengur ótrúlega frábærlega vel að halda mig við þetta mataræði og þennan lífsstíl. Ég hef bara ekkert fundið fyrir neinni þörf til að víkja af réttri braut að undanskildri heimsókninni til Íslands. Veit ekki hvað það er en það var bara töluvert erfiðara að halda sig við þetta á Íslandi. En hérna úti þá bara gengur allt 100% á hverjum degi :) Var meira að segja að fatta það að ég hef ekki smakkað neitt sælgæti síðan 2. janúar og það hefur nú bara aldrei gerst áður held ég. Og besti parturinn er að mig langar barasta ekkert í það heldur. Ég bara fæ ekki nóg af því að segja: "Ég elska DDV".

Uppskriftir

2006-02-15T14:39:00.000+01:00

Er svona smám saman að vinna í því að skella uppskriftum hingað inná síðuna. Er nú ekki mikið komið inn ennþá en það mun, eins og áður sagði, aukast smám saman. Uppskriftasíðan mín er hér (það má líka finna hana í flokknum Undirsíður). Ég reyni að geta heimilda eins og ég get ef ég hef tekið uppskriftina einhvers staðar frá. Ef einhver þykist kannast við einhverja uppskrift sem sína eigin og hans/hennar ekki getið í heimilda þá endilega látið mig vita með kommenti :)

Annars er allt fínt að frétta fyrir utan það að ég er með einhvern leiðinda kverkaskít og hef lúmskan grun um að ég sé jafnvel að fá hálsbólgu. Er ekki að fíla það... spurning um að einbeita sér að c-vítamínríkum ávöxtum næstu daga og drekka mikið vatn.

Vigtun, mælingar og myndir

2006-02-14T13:38:00.000+01:00

Jess, jess, jess!! Náði loksins að taka kíló milli vikna :D Léttist um slétt kíló frá síðustu mælingu sem reyndar var á fimmtudaginn... þannig að í rauninni er þetta kíló á 5 dögum. Fyrir þá sem voru að forvitnast á sunnudaginn hvaða tala hefði komið upp á vigtina þá þá var það 115, 3 kg eða 100 gr meira heldur en ég er í dag. Þetta þýðir líka að BMI hjá mér er komið undir 40! eða í 39,9 :) og að ég á bara 200 gr eftir í 5 kílómarkið sem þýðir að ég fæ líklegast að kaupa ísvélina á tilboði :)

Mældi líka hversu margir cm eru farnir áðan og haldiði að það séu ekki bara heilir 15 cm búnir að kveðja í heildina :) Sentimetrar farnir af öllu nema lærunum... hmm maður verður nú að gera eitthvað í því.

Svo tókst mér líka að taka ágætismyndir af sjálfri mér til að setja inní fyrir og eftir. Er ekki frá því að það sjáist oggó ponsu lítill munur. Ég tel sjálfri mér alla veganna trú um það. En semsagt í heildina góður dagur í dag :D

Change of verðlaun

2006-02-13T23:28:00.000+01:00

Er búin að skoða svo mikið af ís-uppskriftum að mig langar orðið í svona ísvél eins og allir virðast vera með. Ætlaði nú ekki að gera það en ákvað það áðan þegar ég skoðaði auglýsingabækling frá sænska Elko að gefa mér ísvél í verðlaun þegar ég næ 5 kg (sem verður vonandi mjög fljótlega). Gat bara ekki staðist það þegar ég sá að hún verður á tilboði næstu 2 vikurnar ;)

ps. hvernig væri nú að kommenta hjá manni þið sem komið hingað inn. Finnst nú alveg ferlegt að það séu rúmlega 30 manns búnir að kíkja hingað inn í dag og bara 4 búnir að kommenta... isss. Ekki vera feimin... ég lofa að bíta ekki :D

All done

2006-02-13T15:25:00.000+01:00

Jæja þá held ég örugglega að þetta sé tilbúið. Ákvað að skella ykkur öllum í flokka eftir kg í takmarkið. Þannig að ef einhver er ekki á listanum hérna til hliðar þá er bara um að gera að kommenta og láta mig vita af því og ég bæti þér inná. Ef einhver er í vitlausum flokki þá er líka bara um að gera að kommenta og ef einhver hefur nú fallið milli flokka ;) endilega láttu mig vita af því :) Og þið sem eruð í "X kg í takmark"-flokknum megið endilega láta mig vita í hvaða flokk þið eigið heima :)

Ég ákvað að setja þetta svona í flokka af því að ég hef séð suma bloggara gera það og mér finnst það svo hvetjandi. Ég er t.d. ekki langt frá því að detta niður í næsta flokk hjá sumum og nú er ég að sjálfsögðu að reyna og reyna að ná því :)

Síðan næstum tilbúin

2006-02-13T13:22:00.000+01:00

Já þá er síðan svona næstum því tilbúin. Ég er búin að búa til alls konar undirsíður og er rétt að klára að setja inn alla linkana á bloggin ykkar. Er svona að spá hvort að ég eigi að setja þá inn eftir kílóum sem eftir eru eða bara skella þeim í eina röð eins og ég gerði á hinni síðunni. Hvað finnst ykkur? Langar líka að spyrja... finnst ykkur þessi síða kannski svona dáldið litlaus?

Annars gengur nú barasta allt vel. Eina sem er að einhverra furðulegra hluta vegna þá hefur mér fundist ég vera svo svöng eitthvað yfir daginn. Veit ekki alveg hvað er málið því að nú er ég að borða alveg 100% DDV. En þetta er örugglega bara eitthvað tímabundið... eða ég vona það. Hugsa að ég fari bara að fá mér svona eins og 2 ávexti bara yfir daginn til að laga þetta.... hef annars oftast geymt ávextina fram á kvöld til að geta búið til eitthvað ávaxtagúmmilaði í eftirrétt ;)

Ný síða

2006-02-13T01:47:00.000+01:00

Ákvað að færa mig hingað yfir til að geta stjórnað betur html-kóðun síðunnar. Síðan er þó öll ennþá í vinnslu svo ég verð að biðja ykkur um að vera örlítið þolinmóð þó svo að ég eigi nú von á að hún verði tilbúin mjög fljótlega. Ég er nú yfirleitt þannig að þegar ég byrja á einhverju klára ég það mjög fljótt. En þangað til eru að sjálfsögðu öll komment velkomin ;)

Breyttur lífsstíll - betra líf!

Endurskoðun markmiða

Er ekki hætt!

Vigtun

Afleiðingarnar....

Svindl, svindl og svínarí!

Mætt aftur!

Vigtun.... vúhúú!!!

Loksins bloggrúntur

Vigtunardagur

Dugleg stelpa :)

:(

Vigtun :)

Jeijj :)

Syndajatning

Sorri

Vigtun - svindl & svínarí!

Erfitt kvöld!!

Vúhúú!!

Fyrsta vigtun eftir sumarfrí

Komin úr sumarfríi

Síðasta vigtun fyrir sumarfrí!

Gleðilegan kvenréttindadag :)

Myndir

Vigtun

Jess!!!!!

Ussussuss!! :(

Vigtun :(

Komin út úr skápnum ;)

Vigtunardagur

Vigtun

300 gr í vitlausa átt

Millivigtun

Þriggja kílóa gróði ;)

Kominn tími á meiri fjölbreytni

Ekki mikið um skrif

Vigtun :s

Myndir

Vigtun og mæling

Nammi-namm

*Slef*

Þorsti

Vúhúú... mín leið fundin

Smjör

Ekki alveg nógu dugleg við bloggið

Vigtun - 10 kílóa múrinn fallinn!!

Vigtun á morgun

Búin að tapa klukkutíma!

Öfundsýki

Vigtunardagur

Smá tiltekt

Freistingadagur :s

Vigtunar- og mælingadagur

Kallinn með!

Aaaaaa

Blogghringurinn búinn

Vigtun :D

Hungur

Góðar fréttir

Vigtunardagur

Stress

Verðlaunin komin í hús

Vigtun

Ég elska DDV

Vigtin heillar

Appelsínukjúklingabringur

Var klukkuð af Maju.

Allsherjarklukk Súper-S

100% DDV

Uppskriftir

Vigtun, mælingar og myndir

Change of verðlaun

All done

Síðan næstum tilbúin

Ný síða

Slef